Акыркы жолугушуу жөнүндө ыр

Алсызданып, ичим муздап, селейип,
Антсе дагы абдан жеңил басышым.
Сол колумдан чечип алып мээлейим
Оң колума кийе салдым ашыгып.

Баскычтары көп көрүндү тепкичтин,
Болгону үчөө болчу! - билчү элем мен.
Дарактардан доошу чыгып кеч күздүн
Сурап өттү менден: "Өлчү мен менен!

Мен алдандым менин бул суз, туруксуз,
Жана каардуу тагдырыма, айоосуз".
Жооп узаттым: "Берекем ай, берекем -
Мен да алдандым. Өлөм бирге сен менен!"

Бул ыр соңку жолугушуу жөнүндө.
Көз чаптырдым күүгүмдөнгөн үйүмө.
Шамдар жанып мен уктаган бөлмөдө
Кайдыгерлүү-сары от чачып күйүүдө.

1911

Анна Ахматова