Алсыздык

Көзүм тойбой, сугум артып деңизге,
Турам каккан казык өңдүү, жээгинде...
Турам, учуп кеталбай көк мейкинге,
Туңгуюкта, асман-жердин чегинде.

Баш ийемби же төңкөрүш кыламбы,
Өлүүгө да жашоого да эрк жетпейт...
Сыйына албайм - сезсем дагы Кудайды,
Сүйүү эңсейм - бирок сүйүү эч келбейт.

Күндү карап, күнгө созом колдорум,
Көшөгөсү ак булуттун ачылбайт...
Мен чындыкты билем деген ойдомун -
Бирок аны айтууга сөз табылбайт.

Зинаида Гиппиус