***
Бейитте өлүк, а бешикте бөбөкпүз:
Билбейбиз чыны өмүрдө андан бөлөк биз.
Өз сырын айтпайт кулдарына Кожоюн:
Шарабың ич да, көп суроо бербе керексиз.

***
Жараткандын кылганына мен таңгалам!
Жүрөктөрдү кайгы жана муң каптаган,
Бул дүйнөнү түк түшүнбөй биз өтөбүз:
Башы кайда? Маңызы эмне? Кайда агат?

***
Куурчактарбыз жараткандын колунда биз!
Куру сөздөн бул айтылган оюм алыс.
Кудай бизди жиптер менен кыймылдатып,
Бүткөндөн соң биз сандыкка коюлабыз.

Омар Хайям