Иосиф Бродский

Кусалык, кайгы жок, сүйүү жок,
коркуу жок, көөдөндө күйүт жок,
калгандай жарым саат өмүрүм,
калганы жалп этип күйүп, жок.

Көрүнөт, кылчайып карасам:
көчөдө таксилер күрүлдөп,
көктү жаап оорукчан баладан
көп дарак чиркөөдө дирилдеп,

көрүнгүс ыраактан созултуп
күзөтчү жаш жоокер ышкырат,
күркүрөк роялдын добушу
күүлдөп үстүмдөн сызылат.

Кай себеп билбеймин, шарт сезем:
кароосуз калган бул диабазга
жана беш куполго бөлүп тең
калтырсам жашоомду мураска.

1962