Катылган кылымдардын катмарында,
Камтылган кытай тарых каттарында:
Кыргыз - бул кагып турган жүрөк болгон,
Кошулган кырк урууга - кан тамырга.

Кызыл кан ал жүрөккө толуп турган,
Кыргыздын кези болгон толукшуган:
Кошуна жашагандар кызыгышып,
Кошулуп, баары кыргыз болуп турган.

Карачы, ошол элдин урпактары,
Канында ошол элдин чуркап каны,
Ким билет азыр неге уктап турат?
Ким айтат азыр кимди суктандырат?