...Кечээ болсом кыялымда бактылуу,
Бүгүн ойлор кыйнайт жүрөк жаралап.
Бул өмүрдө бардыгы убактылуу,
Эртең кайра жаңы үмүт жаралат...


воскресенье, 3 февраля 2013 г.

Түйүлө чуркай албай,
Тамганча тамчы тери,
Тушалган тулпар кылып,
Түгөнгөн жетер жери,
Турмуштун сыноолору,
Түгөтүп бүт демимди,
Туйлатып, тумчуктуруп,
Турганда кыйнап мени,
Теңирим берген достор,
Тирегим болуп келди,
Тескери басып кетпей,
Тутантып ишенимди,
Таппайм сөз эмне дээрге...
Раазымын мен силерге!

Комментариев нет:

Отправить комментарий