Жылдыздуу жаш кыз келип,
Жанымдан орун алды.
Жагымдуу көз карашы,
Жыландай мени арбады.

Жымылдап, жылды автобус,
Жанаша жолго чыктык.
Жылмая карап коюп,
Үн- сөз жок бара жаттык.

Жаштыктын деми жанып,
Жалынын чачып турду.
Жактырып калган өңдүү,
Жан-дүйнөм уйгу- туйгу.

Жүрөктү эзди ар кыл ой,
Жашырбай, айткым келген.
Анда да мага окшоп,
Жактыруу болду бекен.

Айталбай, ал ичинен,
Нелерди ойлоду экен..