СЕРГЕЙ ЕСЕНИН

* * *
Адамдардын мээримин сынамака,
Кудай жүрдү жер кезген карып болуп.
Карт дүмүрдүн үстүндө бир абышка,
Каткан нанды кемшеңдейт чайнап, соруп.

Чыйыр жолдо таякчан келе жаткан,
Ал байкушту абышка көрө сала
Кабак чытты: "Бечара, шору каткан,
Өзөргөн го, калтырайт түрүн кара"

Кудай ага жакындап, ичтен сызды:
Жүрөктөргө канткенде мээрим толот?!...
Мусапырга абышка нанын сунду:
"Ме чайнап ал, кичине кубат болот".