Мен жаштарга айткым келет,
Айтпа өзүңдү бактысыз деп,
Ата -энең бар болсо эгер жаныңда,
Тагдырыңа такыр, такыр таарынба.

Айла таппай, ойлогонду кыла албай,
Кыйналсаң да жакшы жашоо кура албай,
Мунун баары кайгырууга болбойт себеп,
Ата -эне— Жараткандан баасыз белек.

Ийгилик да, байлык дагы келет, кетет.
А ата-энеңе сенин жакшы жүргөнүң,
Кубанганың, кайгырбай эч, күлгөнүң,
Ушул гана, ушул керек.

Ошондуктан ыраазы бол барына,
Оокатыңдын көбүнө да, азына.
Ынсаптуу бол, сабырдуу бол,
Ыймандуу бол, кайрымдуу бол дайыма.