М. Лермонтов - Кайгылуу да кунарсыз

Кайгылуу да кунарсыз, жардам берчү адам да жок
Ички дүйнөң сыздап турган мүнөттө...
Каалоолорчу!.. Куру бекер каалаганда пайда жок..
А жылдар өтөт - курч мезгилиң түгөтө.

Сүйсөмбү... кимди сүйөм? Кыска сүйүү аракетке татыбайт,
Бирок адам сүйө албайт түбөлүк.
Кара өзүңдү: .. Өткөн күндөн бир дагы из табылбайт -
Кубанчың да, кыйналууң да, бары киши күлөөрлүк.

А кумарбы? Эрте кечтир, акыл-эсиң сүйлөгөндө жок болот,
Жан жыргаткан анын таттуу оорусу;
Айланаңа салкын карай, көңүл бурсаң токтоло,
Жашоо - оюн, маңызсыз да орунсуз.