Жоготкон бактым

Эл жер кезип, чарк аралап дүйнөнү,
Мен бакытты издеп жүрсөм талаадан.
Көрсө бакыт Апам тура үйдөгү, 
Мени күтүп, баткан сары санаага.

Карааңындан кагылайын апакем,
Сенин баркың эми билип олтурам.
Таппайм канча издесем да.. Мен кантем?
Аргасыздан көзүм жашка толтурам.

Билсем дагы келбесиңди кайрылып,
Көргүм келип, издей берем карааның.
Билем сенден калганымды айрылып,
Алтын апам! Чеги жоктой санаамдын…